… og hvað svo? leiðsögn sýningarstjóra
Nýlistasafnið býður ykkur hjartanlega velkomin á leiðsögn um sýninguna … og hvað svo? Í húsakynnum safnsins í Marshallhúsinu, sunnudaginn 7. Júlí kl. 15.
Sunna Ástþórsdóttir, sýningarstjóri sýningarinnar, leiðir gesti um sýninguna. Leiðsögnin er ókeypis og opin öllum.
Listamenn sem eiga verk á sýningunni eru: Andreas Brunner, Eva Ísleifs, Freyja Eilíf, Fritz Hendrik IV, Huginn Þór Arason, Libia Castro & Ólafur Ólafsson, Rebecca Erin Moran, Rúna Þorkelsdóttir, Steinunn Gunnlaugsdóttir, Þorvaldur Þorsteinsson, Þórður Ben Sveinsson
Hvert fyrir sig og í samtali sín á milli, ávarpa verk þeirra hið yfirvofandi og rannsaka listina sem áhrifavald. Hvað segir hún okkur um framtíðina? Getur listin breytt því sem á eftir að gerast? Jafnvel mörgum árum eftir að verkið var skapað? Hjálpar listin okkur að kljást við raunveruleikann eða hverfa á vit annarra heima? Hvert þá? Hvernig getur list verið pólitísk? Með því að taka afstöðu? Eða hjálpa okkur að flýja hversdaginn? Sýna okkur eitthvað sem jafnvel getur aldrei orðið?
Sýningin stendur yfir til 4. ágúst 2019.
