Tilhögun og skipulag starfsnema er hægt að þróa og móta eftir áherslum, áhuga og fyrirliggjandi verkefnum, oft í samstarfi við menntastofnanir.

Nýlistasafnið var stofnað árið 1978 af breiðum hópi myndlistamanna, sumir hverjir höfðu verið meðlimir í SÚM og aðrir voru enn við nám. Nýló er listamannarekið safn og sýningarrými, vettvangur uppákoma, umræðna og gagnrýnar hugsunar.

Safnið er sjálfseignarstofnun og ekki rekið í hagnaðarskyni heldur í þágu framþóunar myndlistar. Fulltrúaráðið telur um 340 einstaklinga sem ár hvert kjósa úr sínum röðum meðlimi í stjórn safnsins.

Tilgangur með stofnun Nýlistasafnsins var fyrst og fremst að opna listheiminn á Íslandi fyrir nýjungum, með það að markmiði að gefa fleiri myndlistarmönnum kost á að vinna að list sinni hérlendis. Það varð fljótt mikilvægt hlutverk Nýlistasafnsins að koma íslenskri samtímalist á framfæri erlendis og einnig að kynna það markverðasta í erlendri list fyrir landsmönnum.

Nýlistasafnið varð þannig snemma að miðstöð fyrir nýja strauma og tilraunir í myndlist.

Stjórnarnefnd

Þorgerður Ólafsdóttir – formaður
Claudia Hausfeld – gjaldkeri
Logi Bjarnason – varaformaður
Rebecca Erin Moran – meðstjórnandi
Þóranna Björnsdóttir – ritari

Varastjórn
Becky Forsythe
Heiðar Kári Rannversson
Sindri Leifsson

Nýlistasafnið er rekið í samstarfi við ríki og borg og fyrir tilstilli óeigingjarns og metnaðarfulls vinnuframlags myndlistarmanna í landinu.

Safnið sækir árlega um sérstaka verkefnastyrki fyrir sýningarhaldi og viðburðum og hefur ætíð hlúð vel að samstarfi við þá aðila sem vilja styrkja starfsemina.