Nýlistasafnið vinnur nú að útgáfu bókarinnar Listamannarekin rými í Reykjavík 1965 – 2018
Kæru myndlistarmenn,
Nýlistasafnið vinnur nú að útgáfu bókarinnar Listamannarekin rými í Reykjavík 1965 – 2018. Bókin tekur á efni og innihaldi heimildarsafns Nýló um frumkvæði listamanna og mun varpa ljósi á mikilvægan þátt myndlistarmanna í þróun myndlistarsenu Reykjavíkur.
Ef að þú hefur tekið þátt í að sjá um listamannarekið rými, sem rekið var án hagnaðar og átt upphafleg eintök af sýningarskrám, textum og ljósmyndum (sbr. ekki tímaritsgreinum), máttu endilega hafa samband við safnið gegnum archive@gamla.nylo.is
Skilafrestur gagna er til 12. október næstkomandi!
Nýló starfsnám haust 2018
Nýlistasafnið leitar nú að starfsnema í móttöku safnsins frá og með hausti 2018
Hlutverk þessa starfsnema er að sitja yfir sýningar í sal Nýlistasafnsins í Marshallhúsinu, aðstoða gesti og gangandi, sem og vera starfsfólki innan handar við ýmis dagleg verkefni. Við óskum eftir einstaklingi sem er óhræddur við að sýna frumkvæði, hefur jákvætt hugarfar og á auðvelt með að vinna sjálfstætt.
Að jafnaði verja starfsnemar að lágmarki sex til átta vikur með safninu en viðvera er ákveðin í samráði við starfsfólk safnsins og í samræmi við kröfur þess náms sem neminn stundar. Þó er miðað er við að lágmarksvinnuskilda séu fimm tímar á dag, frá kl 13 til 18, frá þriðjudegi til föstudags. Að auki er óskað eftir aðstoð starfsnema við niðurtöku og uppsetningu sýninga, og viðveru eftir þörfum á viðburðum skipulögðum af safninu.
Vert er að hafa í huga að staðan er ólaunuð og ætluð nemum sem eru í námi og geta fengið reynslu sína metna til eininga. Auk þess getur Nýlistasafnið gefið starfsnemum sínum innsýn inn í heim samtímalistar í Reykjavík, tækifæri til tengslamyndunar, ásamt öðrum minniháttar fríðindum.
Áhugasamir sækja um með því að senda ferilskrá og kynningarbréf, ásamt upplýsingum um kröfur sem núverandi nám kann að gera til Nýlistasafnsins sem hluta af násmsreynslu umsækjanda á póstfangið nylo@gamla.nylo.is með fyrirsögninni Nýló internship 2018
Djúpþrýstingur: Kokteilakvöld
Auður Lóa Guðnadóttir &
Starkaður Sigurðarson
Lau / Sat – 14.07.2018
16:00 – 18:00
Auður Lóa og Starkaður bjóða gestum á kokteilakvöld í Nýlistasafninu sem er hluti af 40 ára afmælissýningu safnsins, Djúpþrýstingur. Boðið verður upp á drykki sem eru í samtali við verk þeirra, Helmingar sem búa ekki til heild.
Auður Lóa og Starkaður hafa unnið saman í sex ár sem listamenn og sýningarstjórar. Þau vinna verk saman, sér, í samvinnu við aðra listamenn og listrými, verk sem reyna að grafa holu í eitthvað óáþreifanlegt.
Verk unnin í ólíka miðla, ólík samhengi, en rýna samtímis í hvernig verkin tala, hvernig list talar, segir okkur eitthvað. Þau koma hvor með eigin rödd í samtalið sem svo verður þrenning samhliða hugsun, verki, miðli eða sýningarstað þeim sem staðið er fyrir framan. Þau eru vakandi fyrir sögu hugmyndarinnar, sögu staðarins, hlutarins og reyna að sjá þann nútíma sem við stöndum í sem þá samklessu tíðaranda og tvíræðrar hugsunar sem birtist okkur einstöku sinnum út úr þokunni.
Verið hjartanlega velkomin!
Rabbað & Labbað / Fjarrænt efni
Rabbað & labbað / Distant Matter (Fjarrænt efni)
Með Katrínu Agnesi Klar & Eddu Kristínu Sigurjónsdóttur
Fimmtudaginn 8. mars 2018
Spjallið hefst kl. 20.00
Nýlistasafnið býður ykkur velkomin á Rabbað & labbað gegnum sýninguna Distant Matter klukkan 20:00 með Katrínu Agnesi Klar, öðrum listamanni sýningarinnar, í fylgd með Eddu Kristínu Sigurjónsdóttir.
Klukkan 20:45 leiðir Edda Kristín gesti áfram upp á 3. hæð til Kling & Bang en þar tekur Hekla Dögg Jónsdóttir á móti hópnum og spjallar um sýningu sína Evolvement sem opnaði 3 mars sl.
Báðum sýningunum lýkur 11. mars svo þetta er einstakt tækifæri til þess að skyggnast betur inn í hugarheim listamannanna og fá að fræðast betur um sýningarnar.
Leiðsögnin fer fram á íslensku og er öllum opin.
Distant Matter er fyrsta yfirgripsmikla samsýning Katrínar Agnesar Klar og Lukas Kindermann.
,,Með aftengdum og endurröðuðum ásýndum efnis gegnum hvert og eitt verk, styðst sýningin við þrívíddarlíkön úr geimnum, íspinnalitaðar skjáhvílur og sjóndeildarhringi veggspjalda sem leið til að rýna í hversdagslega framsetningu og sem ferðalag um reglufast kerfi alheimsins.“
Verið hjartanlega velkomin!
Distant Matter á Safnanótt
Distant Matter
Katrín Agnes Klar & Lukas Kindermann
19.01.18 – 11.03.18
Sýningarstjóri Becky Forsythe
Nýlistasafnið býður gesti velkomna í leiðsögn á sýninguna Distant Matter (Fjarrænt efni), á Safnanótt, föstudaginn 2. febrúar kl. 20:00. Becky Forsythe, sýningastjóri sýningarinnar og safneignarfulltrúi safnsins, mun leiða gesti um sýninguna og spjalla um verkin.
Leiðsögnin fer fram á ensku og er öllum ókeypis.
Distant Matter er fyrsta yfirgripsmikla samsýning Katrínar Agnesar Klar (f. 1985) og Lukas Kindermann (f. 1984). Með aftengdum og endurröðuðum ásýndum efnis gegnum hvert og eitt verk, styðst sýningin við sendar upplýsingar, þrívíddarlíkön úr geimnum, íspinnalitaðar skjáhvílur og sjóndeildarhringi veggspjalda sem leið til að rýna í hversdagslega framsetningu og sem ferðalag um reglufast kerfi alheimsins.
Safnanótt verður haldin föstudagskvöldið 2. febrúar 2018 en þá opna fjölmörg söfn dyr sínar og bjóða upp á skemmtilega og fjölbreytta dagskrá frá klukkan 18:00-23:00.
Lögð verður áhersla á að bjóða upp á óhefðbundna viðburði þetta kvöld og veita gestum nýja sýn á söfnin. Frítt er í sérstakan Safnanæturstrætó á milli allra safnanna. Á Safnanótt fer fram Safnanæturleikur.
Hægt er að taka þátt í leiknum með því að svara laufléttum spurningum og safna stimplum frá mismunandi söfnum sem þú heimsækir.
Safnanótt er hluti af Vetrarhátíð Reykjavíkurborgar http://vetrarhatid.is/
Distant Matter: Listamannaspjall með sýningarstjóra
Nýlistasafnið býður gestum og gangandi velkomna í leiðsögn á sýninguna Distant Matter (Fjarrænt efni), sunnudaginn 21. janúar kl. 14:00.
Becky Forsythe, sýningastjóri sýningarinnar, mun leiða gesti um sýninguna og spjall ásamt listamönnunum, Katrínu Agnes Klar og Lukas Kindermann,
Leiðsögnin fer fram á íslensku og ensku og er ókeypis.
Hlökkum til að sjá ykkur!
Mynd: Lukas Kindermann, 1:1, 3D-Printed Silica Sand, 67,0 cm x 24,8 cm x 51,8 cm, 2016, Dominik Gigler.
Útvarp Töfrafjall
Leiðangurinn á Töfrafjallið kynnir í samstarfi við Nýlistasafnið Útvarp Töfrafjall röð útvarpsþátta sem birtast daglega frá 7. – 21. ágúst.
Niður af fjallinu berst hlustendum milliliðalaust dagana 7- 21 ágúst, 2017.
Hver þáttur er endurvarp af uppsprettum sálarlífsins – hér finnur þú eitthvað sem þú saknar.
Leiðangursfélagar eru Ása Helga Hjörleifsdóttir, Birna Bjarnadóttir, Gauti Kristmannsson, Haraldur Jónsson, Karlotta Blöndal, Steingrímur Eyfjörð & Unnar Örn J. Auðarson.
Höfundar og þýðendur: Edith Södergran/Njörður P. Njarðvík, Friedrich Nietzsche/Arthúr Björgvin Bollason og Þröstur Ásmundsson, Undína, Sigfús Daðason, Guðbergur Bergsson, Thomas Mann/Gauti Kristmannsson, Kristján Árnason, Teresa frá Avíla/Birna Bjarnadóttir, Gunnar Gunnarsson, Kristín Ómarsdóttir, Dante Alighieri/Erlingur E. Halldórsson, Stefan Zweig/Halldór J. Jónsson og Ingólfur Pálmason, Guttormur J. Guttormsson.
Lesarar: Steingrímur Eyfjörð, Karlotta Blöndal, Haraldur Jónsson, Gauti Kristmannsson, Unnar Örn Auðarson.
Kynnir: Birna Bjarnadóttir.
Starfsnám á Nýlistasafninu fyrir árið 2018
Nýlistasafnið vill þakka öllum þeim sem sýnt hafa áhuga á starfsnámi hjá safninu!
Búið er að ráða í allar stöður starfsnema árið 2017. Við hvetjum þá sem áhuga hafa á starfsnámi 2018 að sækja um.
Umsókn þarf að fylgja ferilskrá og kynningarbréf þar sem fram kemur hvers vegna sótt er um starf hjá Nýlistasafninu og hvað umsækjandi vill fá út úr starfsnáminu.
Vinsamlegast sendið umsóknir á nylo@gamla.nylo.is.
Opnunartímar í Breiðholti í sumar
Í sumar verður sýningarsalur Nýlistasafnsins í Breiðholti opinn annan hvern miðvikudag frá 10 til 14 frá og með 24. maí.
Dagsetningarnar eru:
24. maí, 7. júní, 21. júní , 5. júlí, 19. júlí, 2. ágúst, 16. ágúst og 30. ágúst
Einnig verður opið eftir samkomulagi.
Gestir eru hvattir til að nýta tækifærið og sjá sýninguna YFIRLESTUR, en á henni er áhersla lögð á bókverk í eigu safnsins og jafnframt sérstök einkenni miðilsins. Sýningarstjóri er Heiðar Kári Rannversson.
Þó að Nýlistasafnið hafi flutt aðalsýningar-aðstöðu sína og skrifstofu í Marshallhúsið að Grandagarði og nemendagallerí LHÍ RÝMD hafi verið flutt í húsnæðið í Völvufelli, hýsir Völvufell enn safneignina og verkefnarými þar sem skólum og öðrum hópum er gefið tækifæri á að heimsækja safnið, auk þess sem þar eru veitt tækifæri til rannsókna.
Frekari upplýsingar um skólaheimsóknir og sýningarleiðsagnir, ýtið hér.
Fyrir nánari upplýsingar og fyrirspurnir um sérstakan opnunartíma, vinsamlegast hafið samband á archive@gamla.nylo.is.
Vinsamlegast athugið að gott er að senda sérstakar beiðnir með fyrirvara svo hægt sé að uppfylla þær. Við gerum okkar besta til að uppfylla allar beiðnir.
Nýlistasafnið í Breiðholti er að Völvufelli 13-21, 111 Reykjavík.
Safnadagurinn 2017: Tilraun til að skilgreina verk Ólafs Lárussonar innan samhengis listasafna
Er þetta ljósmynd?
Er þetta gjörningur?
Tilraun til að skilgreina verk Ólafs Lárussonar innan samhengis listasafna
Verið hjartanlega velkomin á opna hádegisleiðsögn á Alþjóðlega safnadaginn í Nýlistasafninu, fimmtudaginn 18. maí kl.12:00!
Safnið verður opið eins og vanalega til kl. 21:00 á fimmtudögum.
Becky Forsythe, safneignarfulltrúi Nýlistasafnsins og annar sýningastjóri Rolling Line, tekur á móti gestum og leiðir samtal um sýningu og verk listamannsins Ólafs Lárussonar. Á leiðsögninni mun Becky fjalla um eðli og náttúru verka Ólafs, vinnuferli og hvernig hann nýtti ólíka miðla við gerð verka sinna og hvernig stofnun eins og listasafn, tæklar þá áskorun að flokka listaverk Ólafs.
Gestir munu einnig fá innsýn inn í framlag Ólafs til íslenskrar myndlistarsenu. Ljósmyndaverk og gjörningar úr heimildarsafni listamannsins verða sérstaklega tekin fyrir þar sem það efni hefur varpað fram skýrari mynd á umfang, eðli og miðlanotkun Ólafs.
Leiðsögnin er ókeypis, opin öllum og fer fram á ensku. Við hlökkum til að sjá ykkur í Nýlistasafninu, Marshallhúsinu að Grandagarði 20, 101 Reykjavík kl. 12:00!
“Ólafur Lárusson initially used photography as a recording device, a way of documenting his performance art – although on occasion photography was a more integral element of these performances or environments. His later involvement with photography has, however, effectively subverted this use of the medium.
Now, the photograph functions not as witness, but as the very space within – or upon – which the performance takes place”. (Jan-Erik Lundström, Evrópsk Ljósmyndun, 1988)
Reasons to Perform: Opinn Kassi
Opinn Kassi
Alla föstudaga frá 10. september til 10 desember.
Ákall til listamanna, fulltrúa Nýló, safnara og vina!
Nýlistasafnið í samstarfi við Maju Bekan og Gunndísi Ýr Finnbogadóttur í tengslum við sýningu þeirra Reasons to Perform: Always, Always, Always: Look for the Answer býður listamönnum, fulltrúum Nýló, söfnurum og vinum að opna kassa gjörningararkífsins, gefa í þá og bæta við efni og upplýsingum.
Fyrir sýninguna Reasons to Perform sem stendur yfir í Lifandi Safneign til 11. desember hafa listamennirnir Gunndís Ýr Finnbogadóttir og Maja Bekan samtvinnað eða unnið útfrá heimildum um gjörninga sem varðveittir eru í Nýlistasafninu. Verkin eru staðbundin (i.e. site specific) textaverk, skúlptúrar og gjörningar.
Sýningin á uppruna sinn í sífelldri rannsókn listamannana og athugun þeirra á tíma, aðlögun, höfundarétt og framleiðni.
Mínútur af mælingum, truflun, takti, hreyfingu verða kynntar inn í gjörningaarkíf Nýló og fluttar af starfsfólki og gestum á opnunatíma sýningarinnar.
Á meðan á sýningunni stendur tekur safnið á móti nýju efni í gjörningaarkífið, frumheimildir og frekari upplýsingar um þá gjörninga sem nú þegar eru varðveittir í safninu, auk þess sem tekið er á móti nýjum gjörningum. Þessi vinna mun eiga sér stað hvern föstudag á meðan á sýningunni stendur á milli klukkan 13:00 – 16:00, eða eftir samkomulagi við safneignarfulltrúa Becky Forsythe gegnum archive(at)gamla.nylo.is. Tillögur að og söfnun nýrra gjörninga og heimilda í arkífið verður skoðað í hverju tilfelli fyrir sig, tekið verður tillit til þess efnis sem nú þegar er varðveitt í arkífinu.
Gjörningararkífið á rætur sínar að rekja til ársins 2008, en þá hóf Nýlistasafnið skipulega að skrásetja heimildir um gjörninga og flokka efni tengt gjörningum listamanna. Áður fyrr hafði safnið safnað og varðveitt heimildir um 20 gjörninga frá árunum 1978 – 1981.
Smám saman hafa allskyns heimildir tengdar gjörningum verið bætt við arkífið. Söfnun þessa efnis á sér stað í samtali við listamanninn, með það markmið að rannsaka verk hans/hennar og feril. Einblínt er á staðreyndir sem styðja varðveislu og sérstöðu hvers einstaka gjörnings.
Nýlistasafnið hefur verið einn helsti vettvangur gjörningalistar hér á landi.Markmið arkífsins er að varðveita heimildir um gjörninga og gjörningatengd verk þar sem það.
„Expansions of Homecraft“ at Konsthall C
The Living Art Museum is happy to collaborate with Konsthall C in Farsta, Sweden, in bringing works by Hildur Hákonardóttir together for the exhibition Expansions in Homecraft opening 28 May, 6pm.
ABOUT THE EXHIBITION
Expansions of Homecraft is a group exhibition with work by Hildur Hákonardóttir, Toncirkeln (Shida Shahabi and Anna Sóley Tryggvadóttir) and Kristina Schultz with Johan Lindberg and Liss Schultz.
Expansions of Homecraft, the seventh exhibition within the programme Home Works – investigating the politics of domestic work and the home. The exhibition departs from an investigation into the radical forms of creativity generated in the home that challenge hegemonic values of patriarchy, and production, and expand a notion of what homecraft can be. Through the works within this exhibition, homecraft moves from traditional forms, like weaving and sewing, to the craft within the social work of the home – immaterial productions like caring, cleaning and conversing.
The exhibition includes works from the collections of the Living Art Museum, LÁ Art Museum, The Reykjavík Art Museum and The National Gallery of Iceland and has received support from Kulturrådet, Kulturkontakt Nord, NFH Nämnden för hemslöjdsfrågor. Toncirkeln is supported by Musikplattformen och Statens Musikverk Public programme made in collaboration with ABF.
EXHIBITION PROGRAMME / SYMPOSIUM
The exhibition schedule also includes the symposium The Home within Homecraft and will take place on Saturday 11 June between 11-6pm. The symposium will take place in English and is free but booking essential. To book a place please email osa@konsthallc.se.
Through my experience at home […] I also discovered what I now call the ‘double character’ of reproductive work, as work that reproduces us and valorises us not only in view of our integration in the labour market but also against it.
Silvia Federici, Revolution at Point Zero (2012)
Homecraft and its connection to historic practices and folk traditions has often made it easy prey to be co-opted by right-wing and nationalist politics as an anchor point for ‘true’ examples of national identity. As a work performed in the home it is also intimately tied to forms of exploitation reliant on housework as undervalued and unpaid labour. While currently nationalist parties gain popularity across Europe we, as a democratic cultural organisation, wish to challenge their ideology as well as their subsumption of homecraft to be aligned with racist politics. The commissions here evident counter practices that pluralise and highlight the complexities around homecraft and feminised production in the home and show what Federici describes above as the double character of this work.
The day invites the participating artists Shida Shahabi, Anna Sóley Tryggvadóttir and Hildur Hákonardóttir, alongside theorist and activist Silvia Federici and art historian Temi Odumosu to share their practices and find ways we can collectivise our strategies for insisting on the radical potential of homecraft.
Silvia Federici is an Italian American scholar, teacher, and activist from the radical autonomist feminist Marxist tradition. She is a professor emerita and Teaching Fellow at Hofstra University, where she was a social science professor. She is co-founder of the International Feminist Collective which led to the development of The International Wages for Housework Campaign a global social movement co-founded in 1972. Silvia Federici is a key influence to Konsthall C’s Home Works programme and her writing, teaching and political work inspired our research into the Women’s Day Off demonstrations in Iceland.
Dr Temi Odumosu is an art historian, creative educator, and postdoctoral researcher for the Living Archives Research Project at Malmö University. Her international research and curatorial practice is concerned with the visual politics of slavery and colonialism, Africa in the archives, Afro-Diaspora aesthetics, and more broadly exploring how art mediates cultural transformation and healing. Her upcoming book Africans in English Caricature 1769-1819: Black Jokes, White Humour will be published by Brepols in the summer of 2016.
Vorverk / Listamannaspjall og gjörningur
Nýlistasafnið býður ykkur hjartanlega velkomin á leiðsögn og spjall um sýninguna Vorverk / Spring Task eftir Kristínu Helgu Káradóttur, laugardaginn 30. maí klukkan 15:00. Listakonan verður á staðnum. Kaffi/kakó og pönnukökur. Allir velkomnir.
Sýningin Vorverk er sú síðasta í sýningaröðinni Hringhiminn og er hluti af dagskrá Listahátíðar í Reykjavík 2015. Sýningin stendur til 13. júní.
Með draumkenndum raunsæistón fagnar listakonan komu vorsins með tilheyrandi togstreitu hið innra og hið ytra. Veturinn hefur losað tök sín og umbreyting árstíðanna birtist í hráum sýningarsal í manngerðu umhverfi fjarri náttúrunni. Jarðveg sýningarinnar skapaði listakonan út frá samfélaginu í kringum Nýlistasafnið í Fellahverfi en jafnframt út frá veruleika listamannsins; einyrkjanum í sýningarsalnum. Á mörkum listforma mætast þessir tveir pólar. Vorverk fela í sér hreinsun andans ekki síður en umhverfisins og stuðla að grunni fyrir vöxt og einingu lífs.
Úr sýningarskrá:
Hlutskipti einyrkjans
er að tala við sjálfan sig
í þögninni
í garðinum
í stílabókinni
í sýningarsalnum.
En þegar verkin tala máli einyrkjans
fæðist alltaf eitthvað nýtt
nýtt upphaf
samtal við heiminn.
I’m a female artist. Móðurmál mitt er íslenska.
Ég er móðir og ég er einstæð móðir.
Leita að konum af erlendum uppruna til þess að taka þátt í gjörningi
með von um samstarf.
Kristín Helga Káradóttir nam myndlist við Listaháskóla Íslands, lauk þaðan BA gráðu árið 2004 og MA gráðu árið 2014. Á námsárunum fór hún í skiptinám í Listakademíuna í Kaupmannahöfn og á Fjóni. Kristín Helga á að baki sýningarhald og vinnustofudvalir innan- sem utanlands. Verk hennar hafa ferðast víða um heiminn á sýningar og myndbandahátíðir.
Líkaminn og leikræn tjáning er öflugur miðill í verkum Kristínar Helgu. Verkin spanna myndbandsverk, gjörninga, ljósmyndir og innsetningar en mest vinnur Kristín Helga á mörkum þessara listmiðla. Listakonan notar sjálfa sig í gjörningaverk sín en upp á síðkastið hefur hún fengið til liðs við sig aðra flytjendur. Verk Kristínar Helgu eru tilvistarlegs eðlis, miðla ástandi og líðan manneskjunnar í tilteknu umhverfi en jafnframt hefur listkonan brugðið á leik með það að markmiði að setja áhorfendur í spurn eða kalla fram viðbrögð þeirra. MA-útskriftarverk Kristínar Helgu var langvarandi gjörningur í Gerðarsafni í Kópavogi er nefndist Andvarp.
Ljósmynd: Valgarð Gíslason, Listahátíð í Reykjavík 2015.
